വടകരയിലെ പരേതനായ ഡോ: എൻ. ദിവാകരൻ, വി. പി. ലീല എന്നിവരുടെ മകൻ. ഭാര്യ: ജിസ്സി, മക്കൾ: ഹരിനന്ദ, ദേവസൂര്യ. കേരള കൗമുദി, വീക്ഷണം, കാലിക്കറ്റ് ടൈംസ്, മംഗളം, ന്യൂസ് കേരള, മലബാർ എക്സ്പ്രസ്സ്, സിനിമ ടുഡേ എന്നീ പ്രസിദ്ധീകരണങ്ങളിൽ ലേഖകനായിരുന്നിട്ടുണ്ട്. ദീർഘ കാലം വടകര ആശ ഹോസ്പിറ്റലിൽ ജീവനക്കാരനായിരുന്നു. മുൻ കേന്ദ്ര ആഭ്യന്തര സഹ മന്ത്രി മുല്ലപ്പള്ളി രാമചന്ദ്രന്‍റെ പേഴ്‌സണൽ സ്റ്റാഫ്, കേന്ദ്ര സ്പോർട്സ് യുവജന ക്ഷേമ മന്ത്രലായങ്ങളുടെ കീഴിലുള്ള നെഹുറു യുവക് കേന്ദ്രയുടെ അഡ്വൈസറി ബോർഡ് മെമ്പർ എന്നീ നിലകളിൽ പ്രവർത്തിച്ചിട്ടുണ്ട്.

വിവിധ ഘട്ടങ്ങളിൽ രാജീവ് ഗാന്ധി ഫൌണ്ടേഷൻ ജില്ലാ ചെയർമാൻ, മണ്ഡലം കോൺഗ്രസ് സെക്രട്ടറി, യൂത്ത് കോൺഗ്രസ് പ്രസിഡണ്ട്, വിവിധ ഘട്ടങ്ങളിൽ ഗാന്ധി വിചാർ വേദി, സാഹിത്യ വേദി, ജേർണലിസ്റ്റ് യൂണിയൻ എന്നിവയിൽ അംഗമായിരുന്നു. കെ. പി. സി. സി യുടെ കലാ സാംസ്കാരിക വിഭാഗമായ സംസ്കാര സാഹിതിയുടെ ജില്ലാ സെക്രട്ടറി ആയിരുന്നു. വിവാദമായ ഇതിഹാസം ഇടിമുഴക്കം, ശ്രീ കളരിയുള്ളതിൽ ക്ഷേത്ര മാഹാത്മ്യം എന്നീ പുസ്തകങ്ങളുടെ രചിയിതാവ്‌. ദീഘകാലം യൂത്ത് മാസികയുടെ പത്രാധിപർ. ഇപ്പോൾ കേരള പ്രദേശ് കോൺഗ്രസ് കമ്മിറ്റിയുടെ ഭൗദ്ധിക സെല്ലായ കെ. പി. സി. സി വിചാർ വിഭാഗിന്‍റെ സംസ്ഥാന സംഘടനാ കാര്യ ജനറൽ സെക്രട്ടറി, കടത്തനാട് എജുക്കേഷണൽ കോ-ഓപ്പറേറ്റീവ് സൊസൈറ്റി ഡയറക്ടർ, വടകര താലൂക്ക് ജനനന്മ വെൽഫെയർ കോ-ഓപ്പറേറ്റീവ് സൊസൈറ്റി സ്ഥാപക പ്രസിഡണ്ട്, പ്രമുഖ കലാ സാംസ്കാരിക സംഘടനായ ഭാരതീയതിന്‍റെ ചെയർമാൻ എന്നീ നിലകളിൽ പ്രവർത്തിച്ചു വരുന്നു.